दाङमा अटोमा चढेका दुई जनालाई खोलाले बगाएको छ । शुक्रबार बेलुका करिब सवा ८ बजेतिर तुलसीपुर उपमहानगरपालिका वडा नं ४ खाद्रे तर्फ जाँदै गरेको रा१ह ४०५५ नम्बरको अटोलाई कालाखोला अन्तर्गत पर्ने बेचनी खोलाले अटो बगाउँदा दुईजना बेपत्ता भएको ईलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।

वेपता हुनेमा तुलसीपुर उपमहानगरपालिका ( ४ खाद्रे बस्ने छबिलाल आलेकी श्रीमती अन्दाजी ५५र५६ वर्षिया सिता आले र सुर्खेत घर भइ हाल सोही ठाउँ बस्ने अन्दाजी १६र१७ वर्षीया मन्जु खड्का रहेका छन् । वेपता भएकाहरुको खोजी कार्य जारी रहेको प्रहरीले बताएको छ । अटोमा सवार ५ जना मध्ये तीनजना सकुसल छन् ।

यसैबीच, तुलसीपुर ७ स्थित रहेको कालाखोलाले तुलसीपुरबाट बिजौरी तर्फ जादै गरेको रा१ह२३५७ नम्बरको अटोसहित चालकलाई बगाएकोमा चालकको सकुशल उद्दार गरिएको प्रहरीले बताएको छ । आज बेलुका करिब पौने १० बजेतिर तुलसीपुर ७ पर्सेनी बस्ने अन्दाजी २२ बर्षिय दुर्गा बहादुर पुनलाई अटो सहित बगाएको थियोे । मापसे गरेर खोला तर्न खोज्दा उनलाई अटोसहित खोलाले बगाएको हो ।