रोल्पाको रुन्टिगढी गाउँपालिका वडा नम्बर ४ को चेनखोला दोभानमा ५ बर्षिया बालिका मृत फेला परेकी छिन । मृत हुनेमा रुन्टिगढी गाउँपालिका वडा नम्बर १ लापल बस्ने अन्दाजी बर्ष २७/२८ का बुबा हस्त बहादुर घर्ती मगर र आमा पार्वती घर्ती मगर कि ५ बर्षीया छोरी प्रशंसा घर्ती मगर रहेको अस्थाई प्रहरी पोष्ट सुर्पालले जानकारी दिएको छ ।

प्रहरी पोष्टका अनुसार असार २३ गते आइतबार अप्राहन करिव ४:३० बजे घरबाट एक्कासि मृतकको दाजु बर्ष ९ को समीर घर्ती मगर सहित बालिका प्रशंसा हराएको बताइएको छ ।

त्यस्तै उनिहरुलाइ हराएको भन्ने खबर प्राप्त पछि साझैबाट स्थानीय द्वारा खोजी गर्दै आएको तर कतै नभेटेपछि खोज्दै जानेक्रममा सोमबार दिउँसो करिव ३ बजे तिर चेनखोला दोभान छेउमा दाजुलाइ सकुसल र बहिनी मृत अवस्थामा फेला परेपछी स्थानीयले प्रहरीलाई खबर गरेका थिए ।

खबर पछि अस्थाई प्रहरी पोष्ट सुर्पाल र ईलाका प्रहरी कार्यालय होलेरी बाट खटिएको टोलिले मुचुल्का गरि पोष्टमाटमका लागि मृत बालिकालाई प्राथमिक स्वास्थ्य केन्द्र होलेरी पठाइएको छ ।

घट्ना बारे थप अनुसन्धान भैइरहेको ईलाका प्रहरी कार्यालय होलेरीले जानकारी दिएको छ ।