रोल्पा , बिरेन्द्र घर्ती

बासगढी नगरपालिका वडा न . ८ बनगौडी बस्ने ५० वर्षीय गुलराम थारुको घरबाट विभिन्न हातहतियार बुधबार बिहान प्रहरीले बरामद गरेको छ । विशेष सूचनाको आधारमा प्रहरी चौकी लक्ष्मण बर्दिया , बर्दिया राष्ट्रिय निकुञ्ज { रम्भापुर सेन्ट र) र रम्भापुर आर्मी चेकपोष्टबाट खटिएको संयुक्त टोलीले उनको घर खोज तलासी गर्दा { भरुवा बन्दुक १ थान , सोही बन्दुकको नाल १ थान , गज १ थान , डेटोनेटर ८ थान, फलामको छर्रा (सानो/ठुलो) ५ सय १५ वटा , गोलीमा प्रयोग हुने फलामको टुक्रा १ सय ७५ वटा , वारुद १५ ग्राम, केप २५ वटा , चित्तलको मासु जस्तो देखिने सुकुटी १ किलो / बदेलको जस्तो देखिने दारा ४ वटा फेला पारी बरामद गरेको हो ।

गुलरामकी श्रीमती ५० वर्षीय पोटनी थारूलाई प्रहरीले नियन्त्रणमा लिई हाल फरार गुलरामको खोजी गर्नुका साथै यस सम्बन्धमा थप प्रहरीले अनुसन्धान गरिरहेको बताएको छ ।